OPHELIA

RHEOLWR Y PROSIECT

Ophelia Dos Santos sydd yn gyfrifol am y prosiect Kumbukumbu. Mae ei rôl yn cynnwys rheoli partneriaethau, datblygu prosiectau, a goruchwylio monitro a gwerthuso. Ochr yn ochr â’i gwaith yn SSAP, mae Ophelia yn artist tecstilau ac yn ymchwilydd o Gymru sydd yn byw yng Nghaerdydd. Mae ei hymarfer creadigol yn archwilio’r berthynas rhwng ffabrig, diwylliant a chymuned, ac mae hi'n defnyddio tecstilau fel ffordd o adrodd straeon, diogelu treftadaeth, a hyrwyddo cyfiawnder hinsawdd.

SARAH

YMGYNGHORYDD PROSIECT

Mae Dr Sarah Younan yn ceisio cael pobl i ymddiddori mewn amgueddfeydd ac i'w mwynhau, ac mae hi'n ymgynghorydd ar gyfer amgueddfeydd, arddangosfeydd a sefydliadau diwylliannol. Mae Younan yn angerddol am sicrhau cydraddoldeb a dyfodol teg yn y sector creadigol ac ar hyn o bryd, mae hi'n archwilio diwylliannau sefydliadol a llesiant staff yn ystod cyfnod o argyfwng hinsawdd.

ROBERT

SWYDDOG PROSIECT

Mae Robert Oros yn gynhyrchydd diwylliannol ac yn artist sy’n gweithio yng Nghaerdydd ar draws y meysydd celfyddydau gweledol a pherfformio, treftadaeth a newid cymdeithasol. Mae wedi gweithio gyda sefydliadau sy'n cynnwys Amgueddfa Cymru, SHIFT, g39, Canolfan Gelfyddydau Chapter ac ar hyn o bryd, mae’n aelod SCORE gyda tactileBOSCH. Fel rhan o brosiect Kumbukumbu SSAP, mae’n cysylltu hanes pobl Dduon Cymru gydag amgylchedd diwylliannol heddiw, ac yn cael ei ysgogi gan y gred y gall celf herio, addysgu, cysylltu ac ail-ddychmygu.

DANIEL

YMGYNGHORYDD ADDYSGOL

Mae Daniel Trivedy yn artist ac yn addysgwr o dras Indiaidd, sydd wedi'i leoli yn Ne Cymru. Mae ei waith yn archwilio hunaniaeth, cysylltiad a pherthyn, a chydraddoldeb hiliol hefyd. Mae’n darlithio yng Ngholeg Sir Gâr ac mae wedi bod yn rhan o Raglen Dysgu Creadigol Cyngor Celfyddydau Cymru ers 2015. Yn ddiweddar, cwblhaodd radd MA mewn Ymarfer sy'n Ymgysylltu'n Gymdeithasol mewn Amgueddfeydd ac Orielau.

HANNAH

SWYDDOG PROSIECT

Mae gan Hannah Ringane gymhwyster MSc mewn Anghydraddoldebau a Gwyddor Gymdeithasol o Ysgol Economeg Llundain, a BSc mewn Daearyddiaeth Ddynol o Brifysgol Caerdydd. Gyda dros 5 mlynedd o brofiad mewn gweithredu cymdeithasol a threfnu cymunedol, mae hi wedi gweithio mewn rolau gwrth-hiliaeth ym Mhrifysgol Caerdydd, ac wedi gweithio gyda Sefydliad y Co-op ar brosiectau grantiau a pholisi dan arweiniad pobl ifanc. Yn SSAP, mae hi'n gweithio fel cyd-Swyddog Prosiect ar gyfer y prosiect Kumbukumbu, ac yn gwneud hanes pobl Dduon Cymru yn fwy hygyrch.